首次用網上日記Xanga講下de史事，抒發一下心情，但查實實際上
都唔算係第一次喇，因為我係重新開過個id開始過呢個首次，Anyway
今日係一個新開始!

     首先講番前兩日ge事......二月十一號可以算係我史上最忙ge一日!
我一早起身就響尖沙咀街頭賣獎卷，大部份人都好冷淡，可能一來
佢地仲處於''睡眠狀態''，個人仲係wing wing地,唔識自動自覺做善事
都係正常ge；二來可能香港經濟仲未復甦得晒掛，愛莫能助呀咁，
總之，香港人就係咁慢熱喇!

     第二站聚螢社義工記!話兩點鐘開始，但我就比預期早半個鐘去
到聚螢社,呢個勁有溫情ge地方......無幾耐，一個二個義工都陸續o黎
到，有發脹了ge阿文，黃金''獅子頭''Elakie，一路都''保持原狀''ge念
恩，人靚聲甜ge Gloria，仲有''暴力狂''火爆朱古力同埋與年齡勁不
相附ge敏明，活動開始之後無耐，有個問號義工出現，至少我係從
未見過佢ge亦都完全唔識佢係何方神聖，但點都好啦，帶埋de咁天
真無邪ge小朋友玩一輪咪得lor。今日ge主要目的係教佢地點樣去整
一本所謂''雜誌''，不停講講講不停整整整不停玩玩玩，話咁快就三
點幾，又係我''功成身退''ge時候，皆因我呢個''大忙人''又要出發前
往下一個目的地呢!

     第三站童軍大大大活動!初初以為係行行企企無得坐ge''勞役活
動''，原來只係要我地o黎單單影幅相普通過八達通ge''活動''，成個
廿一旅ge全家福大合照!Then，上了有威有勢ge總會開大會，係首
次ge海陸空三團Crossover小隊長會議!講下現在又講下將來咁，無
無聊聊就咁過o左過零鐘，大會剛完結，我仲響懞懞朧朧之際，知
道o左個勁重大ge都唔知算係好消息定壞消息，原來八年o黎我都
過住被人欺騙著ge日子，我個旅號原來一路以o黎都係錯ge，
''1645''由呢刻起改為''1625'' T_T

     最後一站聯校音樂交流晚會!顧名思義當然係''貢''多間學校一齊
交流音樂la，我番到學校即時撲去劃位，之後去新翼展開尋找OBO
同沒結果大行動，一秒''找到''，我將自己由F.1至到F.3 IH同英文科
Grammer''碌史''俾OBO，大大話話超過百幾張ge紙我搵o左幾個世紀
喇!六時許，諗住大眾一齊去食飯，點知要等埋呢刻所謂ge''大人物''
黃人山踢場靚波先可以動身?!響三寶日本料理享用晚餐，仲''開心
大發現''o左個新名，係''沒結果''另一個別名''沒朝皇后''，飯後梗係
番大本營聽個聯校音樂會喇!初初都普普通通無咩ge，但由於我地
班人越聽就越覺得悶，於是中途離場,響個操場大玩特玩，成班人
仲''依嘩鬼叫''咁ge款，頓時間真係可以媲美瘋人院ge病人，痴晒筋!
''沒朝皇后''響操場o個時仲玩埋晒de白痴o野，甚麼do re mi，總之
可低b......由於有些少突發事故，我，OBO同肥聰就只好死死氣上
番去聽音樂會，就響途中又有段小插曲，黃人山，李文俊同矮源
三個傻人上上落落唔知攪咩，都shot shot地ge!
     不知不覺睇下個鐘成十一點幾，好容易音樂會先宣告完結，終
於散場，落到地鐵站同OBO，肥聰影o左幅靚爆鏡ge相，and then
梗係即刻番歸訓覺搵周公la!

     二月十二號，禮拜日!
(09:30)沙田->麗豪酒店->鬼佬鬼婆加鬼仔->飲茶,不停介紹中國食品
->拍照留念->(12:15)前往出發下一目的地粉嶺by No.73A->繼續飲茶
->上姨姨屋企後打PS2->細佬無故失蹤->同琪琪傻婆一齊癲一齊玩
->(19:30)食盛大晚餐->測試電腦,安裝遊戲->(21:30)離開返家

     終於講到今日，二月十三號ge事喇!禮拜一晨早溜溜就要測驗數
學，''慘得過我''?!IS堂校長睇堂好夠煩，做咩都關佢事，我受夠喇!
十二點三十五分，期待已夠Lunch時間終於o黎喇，由於火爆朱古
力今日唔洗番學，於是相約埋一齊食飯，原本以為得佢一個，點
知一行成七個人，我可係勁無奈呢!老地方三寶無位要''等等等等''，
足足等成半個鐘先有位坐，由於佢地食飯速度實在太快喇，我又
要上堂ge關係，我就只好埋單早走o係喇......三點半放學歸家了......